ບັ້ນບັງລະຫັດ
ບັ້ນບັງລະຫັດ: ແມ່ນເວົ້າເຖິງນ້ຳໃຈຮັກຊາດ ຄຽດແຄ້ນສັດຕູຂອງນັກແຕ່ງ ເມື່ອເຫັນປະເທດຊາດເສຍເອກະລາດຈິ່ງຮີບຊອກຫາວິທີແກ້ໄຂ, ທັງຊີ້ບອກໃຫ້ເຫັນສາເຫດທີ່ພາໃຫ້ມີຄວາມຄຽດແຄ້ນເພາະປະເທດຊາດຖືກຮຸກຮານຈາກພວກສັກດີນາສະຫຍາມຈິ່ງຕັດສິນໃຈຕໍ່ສູ້ເພື່ອກອບກູ້ເອົາເອກະລາດຄືນມາ.
ບັ້ນສົມທີ່ຄິດ
ບັ້ນສົມທີ່ຄິດ: ແມ່ນຊີ້ບອກໃຫ້ເຫັນຄວາມນຶກຄິດ ແລະ ຄວາມເປັນຫ່ວງເປັນໄຍນຳພໍ່ແມ່ປະຊາຊົນທຸກຄົນ ກໍ່ຄືວຽກງານຕໍ່ສູ້ດ້ວຍກຳລັງອາວຸດຈຶ່ງຈະໄດ້ຮັບໄຊຊະນະ ຫາກວ່າມີການຈຳເປັນອາດຈະອາໃສການຮ່ວມມືກັບສາກົນ.
ບັ້ນສຸດທີ່ອ່າວ
ບັ້ນສຸດທີ່ອ່າວ: ແມ່ນເວົ້າເຖິງຄວາມເດັດດ່ຽວໜຽວແໜ້ນຍອມເສຍສະຫຼະຊີວິດ ໃນການຕໍ່ສູ້ກູ້ຊາດຂອງນັກແຕ່ງ, ຜ່ານການຄົ້ນຄິດມານານນັກແຕ່ງໄດ້ຢືນຢັນນ້ຳໃຈຮັກຊາດ, ຫຼັກໝັ້ນ ແລະ ຄວາມຕັດສິນໃຈຂອງຕົນ ຈົນເຮັດໃຫ້ນັກແຕ່ງມີອາການຮ້ອນຮົນກະວົນກະວາຍກິນບໍ່ແຊບນອນບໍ່ຫຼັບ ເໝືອນດັ່ງຄົນປ່ວຍໄຂ້.
ไม่มีความคิดเห็น:
แสดงความคิดเห็น